Burshaq jáne sel qaýpi: Almatylyqtarǵa eskertý jasaldy

<p>ALMATY. KAZINFORM &ndash; Almaty qalasynyń Tótenshe jaǵdaılar departamenti Qazgıdromettiń daýyldy eskertýiniń negizinde 18 shildede qalanyń taýly aýmaǵynda qatty jaýyn shashyn, tańerteń jáne kúndiz qalada naızaǵaı, burshaq, jel kútiletini týraly habarlady. Naızaǵaı kezinde jel soǵyp, jel ekpini sekýndyna 18-23 metrge deıin jetýi múmkin.</p>

Sondaı-aq TJD baspasóz qyzmeti qatty jaýyn-shashynǵa baılanysty taýly aımaqta sý tasqyny bolýy múmkin ekenin habarlady.

— 17-20 shilde aralyǵynda qatty jaýyn-shashynǵa baılanysty taýly aımaqtarda sý deńgeıi kóterilýi múmkin! Qaýipti belgilerden asqan jaǵdaıda Almaty qalasynyń aýmaǵyna irgeles taý bókteri men aýdandarda, sý tasqyny bolýy múmkin. Osyǵan oraı Almaty qalasynyń TJD turǵyndarǵa jaqyn ornalasqan aryqtar men kanaldardy qoqystan tazartý qajettigin eskertedi, — delingen TJD habarlamasynda.