Búrkitti qolǵa shaqyrýdyń erejesi qandaı
Búrkitti qolǵa shaqyrý jarysyn tamashalaýǵa jınalǵandardyń qarasy kóp. Jasyratyny joq, kóbi jarys erejesin túsinbeı jatyr.
Osy rette uıymdastyrýshylardan saıystyń mán-jaıyn surap bildik.
Belgili bolǵandaı, ár komanda quramynda 3 búrkitshi, 1 bapker, 1 mal dárigeri tirkelgen. Jarysqa 18 jastan asqan sportshylar jiberiledi.
«Bul jarysta búrkit sportshydan 500 metr qashyqtyqta otyrady. Tóreshiniń belgisi boıynsha búrkitshi qolyna jem ustap, búrkitin shaqyra bastaıdy. Munda búrkittiń búrkitshiniń qolyna kelý ýaqyty esepteledi. Tóreshi ysqyrǵan kezde ýaqyt sanaǵy bastalady. Eger eki mınýt ishinde búrkit ıesiniń daýysyna jaýap bermese, talpynys eseptelmeıdi. Ár qatysýshyǵa jerde turǵanda nemese at ústinde turyp óziniń búrkitin bir ret shaqyrýǵa ruqsat etiledi», — dedi QR Qusbegilik federatsııasynyń ókilderi agenttik tilshisine bergen jaýabynda.