Búrkitshi Aısholpannyń otbasy Qazaqstanǵa kóship keldi

<p>ASTANA. KAZINFORM &ndash; Álemge áıgili búrkitshi, otandasymyz Aısholpannyń otbasy elge kóship keldi.</p>

«Men Qazaqstandamyn, bir aptadaı buryn ata-anam men baýyrlarym kóship keldi. Ózim Almatydaǵy S.Demırel atyndaǵy ýnıversıtette qazaq tili men ádebıeti mamandyǵy boıynsha 4 kýrsta oqyp jatyrmyn. Qazir mamandyǵym boıynsha jumys qarastyryp jatyrmyn», - dedi Aısholpan Kazinform tilshisine uıaly telefon arqyly bergen suhbatynda.

Sondaı-aq, otandasymyz búrkit ónerin tastamaǵanyn aıtty.

«Oqý men búrkitpen aınalysýdy qatar alyp júrmin. Aptasyna bir ret aınalysamyn. Jarystarǵa qatysyp júrgen joqpyn, tek qonaq retinde baramyn. sebebi oqýdan qol tımeıdi», - deıdi búrkitshi qyz.

Eske sala ketsek, 2018 jyly qarashada búrkitshi Aısholpan týraly fılm shyqty. 

2019 jyly Mońǵolııa kompozıtory jerlesimizdiń qurmetine óz týyndysyn arnaǵan edi. 

Aıta keteıik, 2022 jyly búrkitshi Aısholpan týraly aǵylshyn tilinde kitap shyqty.