Burynǵy vıtse-mınıstr Tımýr Toqtabaevqa qatysty úkim apellıatsııalyq tártippen qaıta qaraldy

<p>Burynǵy Indýstrııa jáne ınfraqurylymdyq damý vıtse-mınıstrine qatysty úkim apellıatsııalyq tártippen qaıta qaraldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Astana qalalyq sotynyń baspasóz qyzmetine silteme jasap.&nbsp;</p>

«Astana qalasynyń qylmystyq ister jónindegi aýdanaralyq soty IIDM burynǵy vıtse-mınıstrin aýyr zardaptarǵa ákep soqqan laýazymdyq ókilettikterin asyra paıdalanǵany úshin kináli dep tanyp, 7 jylǵa bas bostandyǵynan aıyrýǵa sottaǵan (QK 361-baby 4-bóliginiń 3) tarmaǵy). Іs jazasyn óteý mekemeni ózgertýdi suraǵan prokýrordyń apellıatsııalyq ótinishi boıynsha, sondaı-aq sottalǵan men onyń qorǵaýshylarynyń onyń kinásizdigi týraly dálelderi kórsetilgen apellıatsııalyq shaǵymdary boıynsha qaıta qaraldy. Sottalǵannyń qylmys jasaýdaǵy kinásiniń dáleldengenine sáıkes, Astana qalalyq sotynyń qylmystyq ister jónindegi sot alqasymen úkimniń kúshin joıýǵa negiz bolǵan joq», - delingen habarlamada.

Sot úkimi qylmystyq-atqarý júıesi mekemesinde bas bostandyǵynan aıyrý túrindegi jazany tómengi qaýipsizdikten ortashaǵa qaýipsizdikte óteý bóliginde ózgertildi.

Úkim zańdy kúshine endi.

Aıta keteıik, Burynǵy vıtse-mınıstr T.Toqtabaevqa qatysty qylmystyq isti tergeý sheńberinde memleketke Qostanaı oblysyndaǵy «Shevchenkovskoe» biregeı ken orny qaıtarylǵanyn jazǵan bolatynbyz.

«Bıylǵy 27 qazanda Astana qalasynyń qylmystyq ister jónindegi aýdanaralyq sotynyń T.Toqtabaevqa qatysty úkimi jarııalandy. Ol paıdaly qazbalardyń iri qory bar ken oryndaryn onymen úlestes tulǵalarǵa berý kezinde aýyr zardaptarǵa ákep soqtyrǵan laýazymdyq ókilettikterdi teris paıdalanǵany úshin kináli dep tanyldy», - dep jazdy Antıkordan.

Toqtabaevqa 7 jyl bas bostandyǵynan aıyrý jazasy taǵaıyndaldy jáne memlekettik qyzmet atqarý quqyǵynan, «Eren eńbegi úshin» memlekettik nagradasynan aıyrylyp, qymbat múlikteri tárkilendi.