Burynǵy vıtse-mınıstr Áltaevtiń isi jabyq sot otyrysynda qaralatyn boldy

<p>Búgin Astanada Qylmystyq kodeksiniń 366-baby 4-bóligimen aıyp taǵylǵan Nurjan Áltaevqa qatysty qylmystyq is boıynsha aldyn ala sot tyńdaýy aıaqtaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Otyrys barysynda prokýrordan qylmystyq isti jabyq sot otyrysynda qaraý týraly ótinish tústi. Oǵan sebep – is boıynsha kýáger óziniń jáne otbasy músheleriniń ómirine belgisiz adamdardyń tarapynan qaýip tónip turǵanyn aıtqan.

«Protseske qatysýshylardyń qaýipsizdigin qorǵaý maqsatynda sot prokýrordyń ótinishhatyn qanaǵattandyrdy jáne qylmystyq isti jabyq sot otyrysynda qaraý týraly sheshim qabyldady», - delingen sot málimetinde.

Eske sala keteıik, bıylǵy 7 maýsymda Májilistiń eks-depýtaty Nurjan Áltaev asa iri mólsherde para aldy degen kúdikpen ustaldy (QK 366-babynyń 4-bóligi).

N.Áltaev 2018 jyldyń aqpanynan 2020 jyldyń shildesine deıin «Atameken» UKP múddeleri úshin tıimdi resmı sheshim qabyldaýǵa yqpaldasyp, deldal arqyly A.Myrzahmetovten para retinde jalpy somasy 50 mln teńgeden astam (115 myń AQSh dollary jáne 8 mln 150 myń teńge) aqshalaı qarajat aldy dep aıyptalyp otyr. 

Qylmystyq is 15 tomnan turady, is boıynsha 18 kýáger bar.