Burynǵy TJ mınıstri Syrym Sháriphanov qaıda júr

<p>ASTANA. KAZINFORM &ndash; QR Tótenshe jaǵdaılar mınıstri Shyńǵys Árinov buryn osy salada mınıstr bolǵan Syrym Sháriphanovty jumysqa shaqyrý týraly suraqtarǵa jaýap berdi.</p>

«Ol kisi nazardan tys qalǵan joq, basynda-aq sóılestik. Ártúrli usynystar boldy. Biraq ol qazirgi tańda óziniń densaýlyǵyn, otbasy jaǵdaıyn durystap alǵan soń, bir aıdyń ishinde sheshim qabyldaıdy. Degenmen biz jaqtan barlyq usynystar jasaldy», - dedi Shyńǵys Árinov Úkimet úıinde ótken baspasóz máslıhatynda.

Syrym Sháriphanov mınıstr laýazymyn nebary 8 aı atqardy. Kazinform eks-mınıstrdiń nesimen este qalǵanyna sholý jasady.

Buǵan deıin Shyńǵys Árinov «Maıqaıyńaltyn» ken ornyndaǵy qazirgi ahýaldy baıandap, ózi qashan baratynyn aıtqan edi.