Burynǵy Mádenıet jáne sport vıtse-mınıstri qandaı kúdikke ilindi

<p>ASTANA. KAZINFORM &ndash; Burynǵy Mádenıet jáne sport vıtse-mınıstri 2 aı qamaýda otyrady. Bul týraly Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti.&nbsp;</p>

«Bıyl 1 naýryzda Sybaılas jemqorlyqqa qarsy qyzmet jasyryn is-sharalardyń nátıjeleri boıynsha Mádenıet jáne sport eks-vıtse-mınıstri aýyr jemqorlyq qylmys jasady degen kúdik boıynsha ustady. Kommertsııalyq uıymnyń múddesi úshin áreket ete otyryp, ol 2018 jyly Petropavl qalasynda Qazaqstan Respýblıkasy men Reseı Federatsııasynyń XV óńiraralyq yntymaqtastyq forýmynyń kórmesin uıymdastyrý boıynsha shart jasasýdy qoldaǵan», - dedi Arman Tileýkenov agenttikke ótken baspasóz máslıhatynda. 

Onyń aıtýynsha, tergeý amaldary jalǵasyp jatyr. 

«Bul rette forýmdy ótkizý úshin smeta 2 ese ósti, bul bıýdjet qarajatynyń negizsiz jumsalýyna ákelip soqty. Qylmystyq jolmen alynǵan aqshalaı qarajatqa satyp alynǵan múlik anyqtaldy jáne oǵan tyıym salyndy. Kúdiktige qatysty sottyń sanktsııasymen 2 aı merzimge qamaýda ustaý túrindegi bultartpaý sharasy qoldanyldy», - deıdi ol. 

Aıta keteıik, 1 naýryzda burynǵy Mádenıet jáne sport vıtse-mınıstri ustalǵany týraly habarlaǵan edik.