Burynǵy mádenıet vıtse-mınıstri ustaldy — Antıkor

<p>ASTANA. KAZINFORM — Sybaılas jemqorlyqqa qarsy qyzmet sotqa deıingi tergep-tekserý sheńberinde Qazaqstan Respýblıkasynyń burynǵy Mádenıet jáne sport vıtse-mınıstri aýyr sybaılas jemqorlyq qylmys jasady degen kúdikpen ustalǵanyn rastady. </p>

«Qazirgi ýaqytta kúdikti Almaty qalasy polıtsııa departamentiniń ýaqytsha ustaý ızolıatorynda qamaýda otyr», — deıdi Antıkordan.

Tergeý jalǵasyp jatyr. QR QPK-niń 201-babyna sáıkes ózge aqparat jarııalanbaıdy. 

Buǵan deıin birqatar BAQ Úkimet basshysynyń keńesshisi Erlan Qojaǵapanovtyń ustalǵany jaıly ınsaıderlik aqparat taratqan edi. 

Osyǵan oraı QR Premer-Mınıstriniń baspasóz qyzmeti málimdeme jasady.

«Erlan Qojaǵapanov 2021 jyldyń qyrkúıeginen 2022 jyldyń sáýir aıyna deıin Premer-Mınıstrdiń keńesshisi qyzmetin atqardy. Ol qazir Úkimet basshysynyń keńesshisi degen aqparat shyndyqqa janaspaıdy» delingen úndeýde.