Burynǵy Ádilet mınıstri Marat Beketaev taǵy bir aı qamaýda otyrady

<p>ASTANA. KAZINFORM &ndash; Eks-mınıstrdi qamaýda ustaý merzimi taǵy da uzartyldy. Bul týraly Astana qalalyq sotynyń baspasóz qyzmeti habarlady.</p>

«2024 jylǵy 15 mamyrda Astana qalasynyń mamandandyrylǵan aýdanaralyq tergeý soty kúdikti M. Beketaevqa qatysty qamaýda ustaý túrindegi bultartpaý sharasyn 2024 jylǵy 21 maýsymǵa deıin uzartýdy sanktsııalady», - delingen elorda sotynyń habarlamasynda. 

Eske sala keteıik, burynǵy Ádilet mınıstri byltyr qazanda laýazymdyq ókilettigin asyra paıdalandy degen kúdikpen ustalǵan edi.

Antıkordyń málimetinshe, ol talap etilmeıtin qyzmetterdi kórsetýge jyl saıynǵy kelisimsharttar jasaý arqyly úlestes kompanııanyń múddesin qoldaǵan. Bul áreket memleketke úlken zııan keltirdi. Qazir aktıvterdi qaıtarý boıynsha jumys jalǵasyp jatyr.

Ótken jyly 29 jeltoqsanda M. Beketaevty qamaýda ustaý merzimi 2024 jylǵy 21 qańtarǵa deıin uzartyldy.