Burymdy boksshylar Qaraǵandyda bas kıimsiz judyryqtasady

<p>ASTANA. KAZINFORM &ndash; Qaraǵandy qalasynda 22-28 qyrkúıek kúnderi áıelder boksynan &laquo;Myqtylar týrnıri&raquo; ótedi. Onda burymdy boksshylarymyz tuńǵysh ret rıngkte bas kıimsiz judyryqtasady.</p>

QR Boks federatsııasynyń baspasóz qyzmeti atap ótkendeı, bul jarys - qarashada Iordanııada ótetin Azııa chempıonatyna irikteý kezeńi.

Týrnırde 19-40 jas aralyǵyndaǵy sportshylar 12 salmaq dárejesi boıynsha: 48 kg, 50 kg, 52 kg, 54 kg, 57 kg, 60 kg, 63 kg, 66 kg, 70 kg, 75 kg, 81 kg, +81 kg ózara myqtylardy anyqtaıdy. 

Tek, 2006 jylǵy qatysýshylar bas bapkerdiń ruqsatymen ǵana jarysqa jiberiledi.

Ótinishter 16 qyrkúıekke deıin qabyldanady.

Qazaqstan boks federatsııasy jarysty barynsha ashyq ótkizý úshin tikeleı kórsetilim, tolyqqandy aqparat taratý jáne taza tórelik turǵysynan qamtamasyz etpek.

Bul dodanyń taǵy bir atap óterlik ereksheligi - Qaraǵandydaǵy básekede boksshylar arnaıy bas kıimsiz sharshy alańǵa shyǵady. Bul ózgeris áıelder boksynda halyqaralyq arenada budan bylaı bas kıim bolmaıtynymen baılanysty. Sonyń ishinde jańa ereje Azııa chempıonatynan bastap engizilmek.

Osyǵan oraı, áıelder boksynan Ulttyq quramanyń bas bapker Eldos Saıdalınge qońyraý shalyp, áıelderdiń bas kıimsiz judyryqtasatynyń qanshalyqty ras-ótirigin surap bilgen edik.

«Burymdy boksshylarymyz qaraǵandyda birinshi ret bas kıimsiz judyryqtasady. Endi aldaǵy ýaqytta áıelder halyqaralyq arenada bas kıimsiz judyryqtasady. Halyqaralyq talap solaı. Sondyqtan, biz de sol talaptyń aıasynda bas kıimsiz judyryqtasýǵa kóshemiz. Bul aldaǵy ótkeli otyrǵan jarys biz úshin úlken tájirıbe bolmaq», - dedi bas bapker.