Burymdy balýandarymyz Azııa chempıonatynan 4 qola aldy

<p>ASTANA. KAZINFORM - Qyrǵyzstan astanasy Bishkekte ótip jatqan kúres túrlerinen Azııa chempıonatynda áıelder quramasy jarysty tórt qola medalmen aıaqtady.</p>

Sportty damytý dırektsııasynyń baspasóz qyzmeti málim etkendeı, búgin Laýra Amaǵanbetova Azııa Chempıonatynyń qola júldegeri atandy. 57 kelige deıingi salmaqta synǵa túsken qazaqstandyq sportshy kilem qojaıyny Sezim Jumanazarovany jeńip, elimizdiń qorjynyna úshinshi qola júldeni saldy.

Sonymen qatar 72 keli salmaqta el namysyn qorǵaǵan Anastasııa Panasovıch ta úzdik úshinshi orynnan kórindi. OL qola júlde úshin beldesýde ózbekstandyq Ozoda Zarıpboevany 10:0 esebimen oısyrata jeńdi.

Osylaısha, Qazaqstan áıelder quramasy Azııa chempıonatyn 4 qola medalmen aıaqtady: Panasovıch (72 kg), Almaǵambetova (57 kg), Kaıýmova (59 kg), Syzdyqova (76 kg).

Osylaısha, eki kún ishinde áıelder kúresinen birde-bir sportshymyz Azııa chempıonatynyń fınalyna óte almady.

Erteńnen bastap bozkilemge grek-rım kúresiniń sheberleri shyǵady. Azııa chempıonatyn Qazsport telearnasy tikeleı efırde kórsetip jatyr.