Buralqy ıtterdiń balalarǵa shabýylyna jol berilmeýi kerek

ASTANA. QazAqparat – Buralqy ıtterdiń adamdarǵa, ásirese balalarǵa shabýyl jasaýyna jol bermeý kerek. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy bir másele. Múmkin bul prezıdenttik deńgeıdegi másele emes te shyǵar. Biraq, ol jaıynda aıtýyma týra kelip otyr. Maǵan barlyq oblystan buralqy ıtterge qatysty únemi shaǵym túsedi. Tıisti zańnamaǵa siltep, bılik ókilderinen eshkim onymen aınalyspaı otyr. Biraq, mundaı jolmen júrip, jaǵdaıǵa baqylaý jasaýdan aırylyp qalýymyz múmkin», - dedi Qasym-Jomart Toqaev.

Memleket basshysy buralqy ıtterdiń adamdarǵa, ásirese balalarǵa shabýyldaýy múmkin ekendigi jaıly aqparattardyń taralyp jatqanyna nazar aýdartty.

«Iá, biz jan-janýarlarǵa qamqorlyqpen qaraýymyz qajet. Biraq. Olardyń adamdarǵa, ásirese balalarǵa qatysty shabýylyna jol bermeýge tıispiz. Buǵan qosa, buralqy ıtterdiń shabýylyna tap bolǵandardyń sany artyp keledi. Buǵan jol berýge bolmaıdy. Barlyqtaryńyzdan is-shara qabyldaýdy tapsyramyn. Taǵy da qaıtalap aıtamyn. Múmkin bul prezıdenttiń deńgeıdegi másele emes shyǵar. Biraq, bul jaıynda aıtýǵa týra keldi. Osy máselege qatysty adamdar shaǵymdanyp jatyr», - dedi Prezıdent.