Býrabaıǵa keletin týrıster sany 1,6 mln-ǵa jetkizilmek
Onyń aıtýynsha, Şýche-Býrabaı kýrortty aımaǵy jyl ótken saıyn kórkeıip keledi. Aımaqta birneshe demalys nysandary salynyp, sheteldik jáne otandyq týrıster legi molaıa túsýde. Býrabaıdyń byltyr TMD elderiniń demalys oryndary arasynda úzdikter qatarynan kórinýi, sondaı-aq, sońǵy jyldardaǵy óńirge keletin týrıster aǵynynan anyq baıqaýǵa bolady. Máselen, sońǵy kezderi jylyna aımaqqa 1 mıllıonǵa jýyq týrıst demalýǵa kelse, jazǵy maýsymda 500 myńnan astam adamdy qabyldaýda. Sonymen qatar, kýrortty aımaqta qysqy týrızmde qarqyn alyp keledi. Aldaǵy ýaqytta «Şýche-Býrabaı kýrorty aımaǵyn damytý» memlekettik baǵdarlamasy sheńberinde 2025 jyldary týrıster sanyn 1,6 mıllıon adamǵa jetkizý josparda bar.
«Elimizdegi týrıstik salany damytýdyń memlekettik baǵdarlamasy sheńberinde Şýche-Býrabaı kýrorty aımaǵy elimizdiń TOP-10 áleýeti zor týrıstik aımaqtarynyń qataryna engizildi. Osyǵan oraı, Aqmola oblysynda Şýche-Býrabaı kýrorty aımaǵyn damytý josparynyń úshinshi kezeńi boıynsha oblys ákimdigi tarapynan 2017-2020 qarastyrylyp otyr, Bulardyń qatarynda ıjenerlik ınfraqurylym, kólikti ınfraqurylym, qaýipsizdik qamtamasyz etý, týrıstik áleýetti jyljytý», - deıdi Almas Saǵdıev.
Basqarma basshysy atap ótkendeı, Şýche-Býrabaı kýrorttyq aımaǵynyń keremet tabıǵaty, klımaty, baı emdeý-saýyqtyrý resýrsy jáne tarıhı-mádenı qory, respýblıkanyń ortalyǵynda jáne elimizdiń astanasy Nur-Sultanǵa jaqyn ornalasýy munda týrızmdi damytýǵa óte qolaıly bolyp otyr. Bolashaqta onyń Eýrazııanyń qazirgi zamanǵy iri týrıstik ortalyǵyna aınalýyna da múmkindigi bar.
«Býrabaı kýrortyn damytýda zákirlik jobalarǵa mán berilýde. Onyń ishinde Úlken Shabaqty jáne Tekekól arasyndaǵy «AQBURA Resort» kýrortty aımaǵynyń qurylysy atap ótýge bolady. Quny 100 mıllıard teńge bolatyn nysannyń aýmaǵy 233 gektardy quraıdy.
Budan bólek, Býrabaı kentindi BI-Group jobasy júzege asyrylýda. Munda meımanhana, qonaqúıi, demalý aımaǵy bar kópbeıindi keshen salynady. Jobanyń ekinshi kezeńin aǵymdaǵy jyldyń shilde aıynda aıaqtaý josparlanǵan. Sonymen qatar, akvaparki bar sportyq-saýyqtyrý keshenin qalpyna keltirý jobasy, mádenı -turmystyq jáne kóńil kóterý qyzmeti jobasy, úsh basseınniń qurylysy sııaqty birqatar jobalar aıaqtalýǵa jaqyn. Eń bastysy shilde aıynda týrıstik aımaqta buryn sońdy bolmaǵan bıiktigi 42 metr on attraktsıony bar sholý dóńgelegi iske qosylady. «Shale» biryńǵaı úlgisinde kýrortty aımaq abattandyrylýda, Şýche jáne Býrabaı kólderiniń jaǵasynda jaıaýlar jáne velosıped joldary qurylysy aıaqtalýǵa jaqyn», - dep túıindedi Almas Saǵdıev.
Sonymen qatar, kýrorty aımaqta qys mezgilinde bos ýaqytty tıimdi uıymdastyrý boıynsha da birqatar sharalar júzege asyrylýda.