Býrabaıdaǵy Úlken shabaqty kólinde demalýshylar úsh qyzdy qutqaryp qaldy

KÓKShETAÝ. QazAqparat – Býrabaıdaǵy Úlken shabaqty kólinde sýǵa batyp bara jatqan úsh qyz qutqaryldy, dep habarlaıdy QazAqparat tilshisi.

«Býrabaı kýrortyna demalýǵa kelgen úsh qyz Úlken shabaqty kólinde shomylý kezinde sýǵa batyp kete jazdady. Jaǵadan alys júzip ketken olardy qutqarýshylar jetkenshe, sol mańda júrgen demalýshylar qutqaryp qaldy», - dedi Aqmola oblystyq TJD baspasóz qyzmetinen.

Anyqtalǵandaı, 14 jasar jasóspirimdi sýdan alyp shyqqan kezde ol esin bilmegen. Demalýshylardyń biri oǵan alǵashqy medıtsınalyq kómek kórsetipti.

«Sýdan alyp shyqqan kezde, qyzdyń júrek qaǵysy óte baıaý boldy. Ol «ókpe isinýi» dıagnozymen aýrýhananyń jan saqtaý bólimshesine jatqyzyldy», - dep tolyqtyrdy TJD baspasóz qyzmetinen.

Aıta ketsek, budan buryn Býrabaıda 720 metr bıiktikte jaraqat alǵan jas jigit qutqarylǵan bolatyn.