Býrabaıdaǵy lagerde qaıtys bolǵan 9 jasar oqýshy ishek ınfektsııasyn juqtyrmaǵan - QR memlekettik bas sanıtarlyq dárigeri

ASTANA. QazAqparat - Býrabaıdaǵy lagerde 9 jasar oqýshynyń qaıtys bolýyna oraı Qazaqstan Respýblıkasynyń tutynýshylardyń quqyqtaryn qorǵaý agenttigi Býrabaı ortalyq aýrýhanasynan A.Ábildınanyń tiri kezinde alynǵan bıologııalyq materıaldardy mıkrobıologııalyq zertteýlerdi aıaqtady. Bul týraly QR memlekettik bas sanıtarlyq dárigeri Jandarbek Bekshın habarlady.

«2014 jylǵy 11 shildede júrgizilgen zertteý synamalarynda shartty patogendik jáne patogendik flora tabylmady, bul A.Ábildınada ishek ınfektsııasy bolmaǵanyn bildiredi», - delingen habarlamada.

Degenmen sot-medıtsınalyq saraptama odan ári jalǵastyrylýda.

Eske sala keteıik, Arýjan Ábildına Qaraǵandy oblysynan Býrabaı aýdany Qotyrkóldegi "Kontınent" balalar saýyqtyrý lagerine demalýǵa kelgen bolatyn. Osynda ol asqynǵan ishek juqpaly aýrýyn juqtyrdy, degen dıagnozben, Býrabaı aýdandyq aýrýhanasyna, keıin em qonbaǵan soń, aýyr halde oblystyq balalar aýrýhanasyna jetkizilip, sonda es jımastan jantásilim etken edi. Balasynan aıyrylǵan qyzdyń anasy der kezinde qyzyna kómek kórsetpedi, dep lager tárbıeshilerin aıyptaýda. Qazirgi kezde tergeý jumystary jalǵasýda.