Býrabaıdaǵy «Almaty» qonaq úıinen órt shyǵyp, 106 adam evakýatsııalandy
13:18, 06 Tamyz 2023
ASTANA. QazAqparat - Býrabaıdaǵy «Almaty» qonaq úıiniń ǵımaratynan órt shyǵyp, 106 adam evakýatsııalandy, dep habarlaıdy QazAqparat TJM baspasóz qyzmetine silteme jasap.
«Býrabaı kentinde 106 adam qutqarylyp, evakýatsııalandy.
6 tamyzda saǵat 11:59-da Aqmola oblysynyń Býrabaı kentindegi órt týraly habarlama kelip tústi.
Órt sóndirý bólimsheleri kelip, 3 qabatty «Almaty» qonaq úıiniń ǵımaratynda 2-qabattaǵy server bólmesinde órt anyqtaldy.
Aqmola oblysy TJD Órt sóndirýshi-qutqarýshylary úsh tize baspaldaqtyń kómegimen 6 adamdy qutqaryp, 100 adamdy, onyń ishinde 25 balany evakýatsııalady. Zardap shekkender joq» delingen habarlamada.
Qabyldanǵan sharalardyń arqasynda órt saǵat 12:35-te oqshaýlandy.