Býrabaıdaǵy shıpajaılarǵa bıyl 26 myń týrıst kelgen
Prezıdenttiń is basqarýshysy Aıbek Dádebaev basqarmaǵa qarasty demalys ortalyqtarynyń bıylǵy jumys kórsetkishine toqtaldy.
«Jyl basynan beri atqarylǵan jumystyń nátıjesin qarap shyqtym. Búgin bizdiń úsh shıpajaıdyń jumys kórsetkishterine qysqasha toqtalsam deımin. Jalpy, „Oqjetpes, Almaty Resort jáne „Qazaqstan“ emdeý-saýyqtyrý keshenderine bıylǵy jyl jemisti bolyp tur desek artyq emes. Qańtar-qarasha aılarynda sapaly em alýǵa jáne demalýǵa kelýshiler sany 26 myń 306 adamǵa jetkeni osyny kórsetedi. Shıpajaılar jyldyq jospardy 11 aıdyń ishinde oryndap, keıingi 10 jyl ishindegi eń joǵary nátıjege qol jetkizdi» dep jazdy ol Telegram paraqshasynda.
Prezıdent is basqarýshysynyń aıtýynsha, statıstıkalyq derekter osy shıpajaılarǵa el azamattary men sheteldik qonaqtardyń kóńili tolǵanyn kórsetip otyr.
ıAǵnı, jaılylyǵy, mamandardyń kásibı emdeý sharalary men medıtsınalyq baǵdarlamalar jurtshylyq tarapynan laıyqty baǵalandy.
«Kelýshiler sany men sapaly qyzmet boıynsha óte jaqsy nátıjege jetken shıpajaı ujymdaryn quttyqtaımyn. Halyqtyń ıgiligine baǵyttalǵan jumystaryńyz jemisti bolyp, jańa belesterdi baǵyndyra berińizder», — deıdi Aıbek Dádebaev.