Býrabaıda joǵalǵan reseılik áıel bir táýlikten soń aman tabyldy

BÝRABAI. QazAqparat – Aqmola oblysynyń Býrabaı kýrortyna demalýǵa kelgen reseılik áıel bir táýlikten soń aman tabyldy, dep habarlaıdy QazAqparat tilshisi.

Oblystyq tótenshe jaǵdaılar departamenti baspasóz qyzmetiniń málimetinshe, áıel Býrabaıǵa Reseıdiń Omby qalasynan demalýǵa kelgen.

«Anyqtalǵandaı, 36 jastaǵy áıel tamyzdyń 31-de «Altaır» qonaq úıine jaıǵasqan. Keshki saǵat 23:00 shamasynda ol belgisiz baǵytqa shyǵyp ketken. Іzdestirý sharalaryna 43 adam tartyldy, onyń ishinde oblystyq TJD jeke quramynan 16 adam jáne 3 tehnıka, Býrabaı aýdandyq TJB eki adam, aýdandyq polıtsııa bóliminen 10 adam, Lider.kz eriktiler uıymynan 6 adam, 1 kınolog jáne bir ıisshil ıti bar. Bir táýlik ótkennen keıin joǵalǵan áıel aman tabyldy», - dedi vedomstvodan.

Aıta ketsek, budan buryn Kókshetaýda káriz qudyǵynda aǵaly-inili eki er adam esinen tanyp qalǵan bolatyn.