Býrabaıda jyly jaqqa usha almaı qalǵan birqazan qutqaryldy

<p>ASTANA. KAZINFORM &ndash; &laquo;Býrabaı&raquo; memlekettik ulttyq tabıǵı saıabaǵynda qanaty qaqpaı álsirep qalǵan birqazan <a href="https://www.instagram.com/p/DCY8j-9s-kp/" target="_blank" rel="noopener">qutqaryldy</a>.&nbsp;</p>

15 qarashada «Býrabaı» orman pıtomnıginiń qyzmetkeri Dmıtrıı Fateýs Prıozernyı ormanynyń 124-shi aýmaǵynda álsiregen birqazandy taýyp, orman sharýashylyǵy ınspektorlaryna tapsyrdy. Qus jyly jaqqa usha almaǵan. 

«Qutqarylǵan birqazan Býrabaı kýrortynyń haıýanattar baǵyna jetkizilip, veterınar tekserdi. Qus saý, jaraqat almaǵan. Belgili bolǵandaı, bıylǵy balapan ushýǵa tym jas. Birqazannyń qaýyrsyndary qataımaǵan, alys jolǵa tótep bere almaıdy», - delingen jelidegi jazbada. 

Qazir qutqarylǵan qus ońalý úshin qysqy qorshaýda qamqorǵa alyndy. Birqazan kóktemge deıin mamandardyń baqylaýynda bolady, qanaty qataıǵan soń óz ortasyna jiberiledi. 

Aıta ketsek, ormanshylar kúni qarsańynda Býrabaı ulttyq parkiniń mamandary qalaı jumys isteıtini týraly jazǵan edik. 

Eske sala ketsek, 15 jylda alǵash ret «Býrabaı» ulttyq parkinde birde-bir órt faktisi tirkelmegen.