Býrabaıda zańsyz aǵash kesken adam ustaldy

BÝRABAI. QazAqparat – Aqmola oblysynyń Býrabaı aýdanynda zańsyz aǵash kesý oqıǵasy anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Aqmola oblystyq PD tabıǵatty qorǵaý polıtsııasynyń qyzmetkerleri men «Buqpa» orman sharýashylyǵynyń jumysshylary birlesip júrgizgen tekseris kezinde atalmysh orman sharýashylyǵy aýmaǵynda 25 túp qaıyn aǵashynyń zańsyz kesilgeni anyqtaldy.

«Jedel-izdestirý sharasy kezinde Şýchınsk qalasynyń 37 jastaǵy turǵyny ustaldy. Odan zattaı aıǵaqtar táriklendi. Osy oqıǵaǵa baılanysty QR QK 340-babynyń 2-bóligi boıynsha is qozǵalyp, sotqa deıingi tergeý amaldary júrgizilýde», -deıdi vedomstvonyń baspasóz qyzmetindegiler.

Aıta ketý kerek, memlekettik orman qorynda zańsyz aǵash kesken adamdarǵa qylmystyq jaýapkershilik qarastyrylǵan. Sonymen qatar, 2019 jyldyń 1-31 qazan aralyǵynda Aqmola oblysynyń PD qyzmetkerleri «Brakoner» jedel-aldyn alý sharasyn júrgizýde.