Býrabaıda vaktsınatsııalanǵan temirjol jumysshylary aqyly demalys alady

KÓKShETAÝ. QazAqparat - Aqmola oblysynyń Býrabaı aýdanyndaǵy temirjol kásiporyndarynyń vaktsınatsııalanǵan jumysshylary aqyly demalystar alady, dep habarlaıdy QazAqparat tilshisi aýdan ákimdigine silteme jasap.

«Temirjol kásiporyndary KVI vaktsınasyn alǵan árbir qyzmetkerge bir aqyly demalys beredi. Bizdiń aýdanda Býrabaı kýrortynyń 16 stantsııasy bar», - dep atap ótti Býrabaı aýdany ákiminiń orynbasary Anar Kúzembaeva.

Onyń aıtýynsha, bul - aýdanda halyq arasynda vaktsınatsııalaýdy yntalandyrýǵa baǵyttalǵan jalǵyz aktsııa emes.

«Sonymen birge, bizdegi «Aq jelken» saýda úıinde de vaktsınatsııalanǵandar arasynda utys oınatylýda. Turmystyq tehnıka júldege tigilgen. Budan bólek, biz saýda úılerimen vaktsınatsııa pasportyn usynǵan klıentterge jeńildik berý jóninde kelissóz júrgizip jatyrmyz», - dedi Anar Kúzembaeva.

Ákim orynbasary atap ótkendeı, býrabaılyqtar búgingi tańda Spýtnık V jáne Hayat Vax vaktsınatsalaryn jón kóredi.

Alaıda, jaqynda Corona Vac vaktsınatsııasyn qalaıtyndardyń ósý tendentsııasy baıqaldy.

Búgingi tańda býrabaılyqtardyń 23 paıyzy vaktsınatsııalandy.

Aıta ketsek, buǵan deıin «RG Gold» vaktsınatsııalanǵan qyzmetkerlerdiń 25 myń teńge kóleminde jalaqyǵa qosymsha aqy alatynyn habarlaǵan edi.

Osy kúni kásiporynnyń 100-den astam qyzmetkeri vaktsına alyp úlgergen.