Býrabaıda týrızmdi damytýda júzege asyrylatyn basty jobalar tanystyryldy

ASTANA. QazAqparat - Aqmola oblysynyń ákimi Məlik Myrzalın Býrabaıda týrızmdi odan əri damytýda basty qandaı jobalardyń júzege asyrylatyny týraly aıtty, dep habarlaıdy QazAqparat tilshisi.

Taıaý jyldary júzege asyrylatyn jobalardyń biri - Bólektaý taýynyń mańaıynda turǵyzylatyn 233 gektar aýmaqty qamtıtyn birneshe nysan. Ol sport jəne saýyqtyrý ortalyqtary, otbasylyq otelder, akvasaıabaq, syrǵanaý alańdary jəne taǵy basqalar. Búgingi tańda atalǵan jobalardyń ınjenerlik ınfraqurylymdary boıynsha jumystar júrgizilýde.

"Ekinshi úlken joba Şýche kóliniń jaǵasynda, "Rixos Borovoe" qonaq úıiniń janynan kottedjder qalashyǵyn turǵyzý. Qalashyq qurylysynyń jumysy jaqyn kúnderi bastalady. Taǵy bir bitkeli jatqan is - Býrabaı kentindegi jańa meshit pen 14 gektar jerdi qamtıtyn kópfýnktsııaly keshenniń qurylysy aıaqtalýǵa jaqyn. Býrabaı kentinen bastaý alatyn keshen kólge deıin jalǵasady. Ol jerde qonaq úıler, meıramhana, oıyn-saýyq ortalyqtary ornalasady. Atalǵan qurylys nysandary Úkimet pen  Mədenıet jáne sport mınıstrliginiń birlesip jasap jatqan Býrabaıda týrızmdi damytýdaǵy mańyzdy jobalar bolyp tabylady, - dedi M.Myrzalın.
Odan bólek Aqylbaı kólinde at sporty jəne Kókshetaýdyń soltústik jaq betinde taýdan syrǵanaý keshenderi salynatyny aıtyldy.
"Búginde taýdan syrǵanaý keshenin júzege asyratyn mamandandyrylǵan əlemdik deńgeıdegi aldyńǵy qatarly kompanııalarmen dalalyq jumystar júrgizildi. Onda  taýdan syrǵanaý keshenin damytýdyń usynymdary tanystyryldy. Aldymen taýdan syrǵanaýdyń ərtúrli deńgeıi boıynsha uzyndyǵy 5 shaqyrym jerdi alyp jatqan 14 taýdan túsý qurylǵysy salynady", - dep tolyqtyrdy oblys basshysy.