Býrabaıda týrısterge qyzmet kórsetý sapasy qashan jaqsarady

ASTANA. QazAqparat - Búgin Úkimet úıinde ótken baspasóz máslıhatynda QR Mádenıet jáne sport mınıstri Arystanbek Muhamedıuly Býrabaıda týrısterge qyzmet kórsetý sapasy qashan jaqsaratyndyǵyn aıtty, dep habarlaıdy QazAqparat.

Baspasóz máslıhaty barysynda BAQ ókilderi Býrabaıdaǵy týrısterge kórsetiletin qyzmet sapasynyń tómendigin, baǵasy tipti Eýropalyq týrıstik oryndarmen para-par ekendigin aıtyp, onyń qashan túzeletindigin suraǵan bolatyn.

«Bul ahýaldy túzep, týrısterdiń úlken legin tartý úshin Şýche-Býrabaı kýrorttyq aımaǵyn damytýdyń túbegeıli jańa ádisi qabyldandy. Birinshi kezekte, ishki jáne jol boıynda kórsetiletin qyzmetter jaqsartylatyn bolady», - dedi ol.

Onyń aıtýynsha, Býrabaıda týrıster úshin jaılylyqty qamtamasyz etetin jańa nysandar salynatyn bolady. Munan bólek, Býrabaı kóline qaraǵanda týrıster arasynda keńinen tanymal emes Úlken jáne Kishi Shabaqty kólderin abattandyrý josparlanǵan.

«Menińshe, 2018-2019 jyldary Şýche-Býrabaı kýrortty aımaǵyndaǵy ahýal múldem basqasha bolyp, jaqsy jaǵyna qaraı ózgeretin bolady», - dedi Arystanbek Muhamedıuly.

Aıta keteıik, elimizdegi týrızmdi damytý máselelerine arnalǵan baspasóz máslıhaty barysynda mınıstr Joshy hannyń qaıda jerlengenin ózgelerdiń bilmeýi ózimizdiń kemshiligimiz ekendigin atap ótken bolatyn.

Sonymen qatar ol Şýchedegi tramplın kesheni qurylysy qashan aıaqtalatynyn aıtty.