Býrabaıda taýǵa shyqqan jup qutqaryldy

KÓKShETAÝ. QazAqparat – Býrabaıda kýrortynda Kókshetaý taýyna shyǵyp, óz kúshterimen túse almaǵan jigit pen qyz qutqaryldy, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.

«23 tamyzda saǵat 14:55-te Şýche qalasynyń qutqarý jasaǵyna Kókshetaý taýyna shyqqan jas juptyń tómen túse almaı jatqandyǵy týraly habar tústi. Aıtylǵan jerge barǵan qutqarýshylar alpenıstik jabdyqtyń kómegimen jigit pen qyzdy taý etegine túsirdi», - deıdi TJD bastyǵynyń orynbasary Qanat Dospaev.

Qutqarýshylardyń kómegine júgingen Kókshetaý qalasynyń turǵyny Sholpan Beısembaevanyń sózinshe, olar taýdyń basyna shyǵyp, tabıǵatty tamashalamaq bolǵan. Alaıda, keıin jańbyr jaýyp, tastyń betin taıǵanaq bolǵandyqtan tómen túsýge qoryqqan. Sol sebepti, qutqarýshylarǵa qońyraý shalyp, kómek suraǵan.