Býrabaıda taýdan túse almaǵan úsh týrıst qutqaryldy

<p>KÓKShETAÝ. KAZINFORM &ndash; Býrabaı kýrortynda taýǵa shyǵyp, ózdiginen túse almaǵan úsh týrıst qutqarýshylardyń kómegine júgindi.&nbsp;</p>

Aqmola oblysy TJD baspasóz qyzmetiniń málimetinshe, Astana qalasynan kelgen 20 jas shamasyndaǵy úsh týrıst Býrabaı kýrortynyń eń bıik núktesine shyqqan. Artynsha, ózdiginen jerge túse almaǵan olar qutqarýshylardy kómekke shaqyrǵan.

«Qutqarý jumystary úsh saǵatqa sozyldy. Jedel-qutqarý jasaǵynyń qyzmetkerleri týrısterdi arqannyń kómegimen jerge túsirdi. Abyroı bolǵanda, eshkim zardap shekken joq», - dedi vedomstvodan.

Foto: Aqmola oblysy TJD

Osy rette, TJD qyzmetkerleri demalýshylardan taýdaǵy qaýipsizdik sharalaryn saqtaýdy suraıdy. Sonymen birge, tótenshe jaǵdaı týyndaǵan jaǵdaıda 112 nómirine qońyraý shalýdy eske salady.

Aıta ketsek, budan buryn da Býrabaıda taýdan túse almaı qalǵan týrıst qutqarylǵanyn jazǵan edik.