Býrabaıda taýdan túse almaı qalǵan týrıst qutqaryldy
02:31, 21 Maýsym 2024
<p>KÓKShETAÝ. KAZINFORM – Býrabaı kýrortynda Kókshetaý taýynda taýǵa shyǵyp, ózdiginen túse almaǵan týrıst qutqaryldy.</p>
Aqmola oblysy TJD baspasóz qyzmetiniń málimetinshe, er adam Býrabaıǵa Qaraǵandy oblysynan kelgen.
«Ol Kókshetaý taýynyń bıik shyńyna shyǵyp, ózdiginen túse almady. Er adamdy qutqarý jumystaryna Aqmola oblysy TJD Jedel-qutqarý jasaǵynyń jáne «Býrabaı» MUTP qutqarýshylary qatysty. Eki saǵatqa sozylǵan qutqarý operatsııasy sátti ótti, oqıǵanyń mán-jaıy anyqtalýda», - dedi vedomstvodan.
Aıta ketsek, budan buryn Aqmola oblysynda qaıyǵy aýdarylǵan balyqshy qutqarylǵanyn jazǵan edik.