Býrabaıda tabysyn jasyrǵan kásipkerler qandaı zańsyzdyqqa baratyny anyqtaldy

KÓKShETAÝ. QazAqparat - Býrabaı kýrorttyq aýmaǵynda qyzmet etip kelgen keıbir kásipkerler ózderiniń tabystaryn tómendetip kórsetip, kassalyq apparattardy qoldanbaı kelgen. Bul týraly Aqmola oblysy boıynsha memlekettik kirister departamentinen málim boldy, dep habarlaıdy QazAqparat.

Atalǵan departamenttiń qyzmetkerleri Býrabaı kýrorttyq aýmaǵynda kásipkerlikpen aınalysatyn salyq tóleýshilerdiń kiristerine taldaý jasady. Osy oraıda kásipkerlerdiń tabysy boıynsha málimet kúdik týdyrǵandyqtan, kýrorttyq aýmaqtyń birqatar nysandarynda hronometrlik zertteý júrgizý sheshimi jasaldy.

«Osyndaı baqylaý barysynda salyqtyq mindettemelerin oryndamaıtyn kásipkerler anyqtaldy. Bul turǵyda ózderiniń kiristerin tómendetip kórsetip kelgen, baqylaý-kassalyq mashınalaryn onlaın rejimde qospaǵan, sondaı-aq salyq zańnamasyna qatysty ózge de buzýshylyqtar belgili boldy»,  - delingen vedomstvo málimetinde.

Máselen, meıram kúninde atalǵan aımaqtaǵy bir dámhananyń jumysyna taldaý jasaldy. Olar túsken aqshany 33 000 teńge somasynda kórsetse, al hronometrlik zertteý kezinde kórsetkish kúnine 350 000 teńgeden tómen bolmaǵan. ıAǵnı túsken aqsha 10 esege tómendetilip kórsetildi.

«Sonymen qatar, taǵy bir qonaq úı kesheninde de kiristerin azaıtyp kórsetý faktisi anyqtaldy. 12 kúnde qarjy aınalymy 2 295 000 teńge bolsa, tek 6 kúndi qamtyǵan hronometrlik zertteýde aınalym 3 700 000 teńgege jetti», - dep naqtylady departament ókilderi.

Osy oraıda vedomstvo bul baǵyttaǵy jumystardy aldaǵy ýaqytta jalǵastyrmaq.

«Kýrorttyq aýmaqtaǵy hronometrlik zertteý nátıjeleri salyq zańnamasy boıynsha birqatar buzýshylyqtardy anyqtady. Bul óz kezeginde keıbir salyq tóleýshilerdiń ashyq jumys istemeıtinin baıqatady», - delingen  depatarment málimetinde.