Býrabaıda salynyp jatqan altyn óndirý fabrıkasynda 1 myń adam jumyspen qamtylady
Jyl basynan beri Býrabaı aýdanynda negizgi áleýmettik-ekonomıkalyq kórsetkishter boıynsha ósýdiń oń úrdisi qamtamasyz etildi. Ónerkásip ósimi – 108,1 paıyz, aýyl sharýashylyǵynda – 107,5 paıyz, ınvestıtsııa quıýda – 146 paıyz, ortasha aılyq eńbekaqy boıynsha - 123,3 paıyz kórsetkish baıqalady.
Aýdan ákiminiń aıtýynsha, aýyl sharýashylyǵynyń jalpy ónim kólemi 2,9 mıllıard teńgeni qurady, ıaǵnı naqty kólem ındeksi-107,5 paıyz boldy. Býrabaı aýdany kóktemgi egis naýqanyna 100 paıyz daıyn jáne qazirgi kezde ishinara kóktemgi dala jumystary bastalyp ketti.
«Indýstrııalyq-ınnovatsııalyq damý strategııasyn iske asyrý barysynda 6 mıllıard teńge somasyna ónerkásiptik óndiris kólemi qamtamasyz etildi. Ónerkásip óniminiń naqty kólem ındeksi (NKI) 108,1 paıyzdy qurady», - dep atap ótti A.Muzdybaev.
Aýdanda ken óndirý ónerkásibi jáne karerlerdi qazý boıynsha óndiristiń ósýi baıqalady – 182,6 paıyz, óńdeý ónerkásibinde – 116,6 paıyz, elektr energııasymen, gazben, býmen, ystyq sýmen jabdyqtaý – 112,9 paıyz, sýmen jabdyqtaý, káriz júıesi, qaldyqtardy jınaý jáne bólýdi baqylaý – 100,6 paıyz.
«Aýdanda altyn óndirý fabrıkasynyń qurylysy júrgizilýde, ónimdiligi jylyna 5 mıllıon tonna («RG Processing» JShS). Onda 1 myń jańa jumys orny qurylady. Kásiporyndy iske qosý 2022 jyldyń sońynda josparlanyp otyr», - dep tolyqtyrdy A.Muzdybaev.
Esepti kezeńde aýdanda ınvestıtsııa kólemi 3,7 mıllıard teńgeni qurady. Jeke ınvestıtsııalar 35,4 paıyzǵa , bıýdjettik ınvestıtsııalar 8,4 esege ulǵaıdy.