Býrabaıda PikeMan chellendjine qatysýshylar sýda 3 km júzip ótti

BÝRABAI. QazAqparat – Býrabaı kýrortynda jyldyń eń jarqyn sporttyq sharalarynyń biri – PikeMan áýesqoı júzý-chellendji ótti, dep habarlaıdy QazAqparat tilshisi.

Şýche kóline Qazaqstannyń ár óńirinen sportshylar men áýesqoılar, barlyǵy 250-den astam adam jınaldy. Olar sýda 3 km qashyqtyqty júzip ótti.

Uıymdastyrýshylardyń aıtýynsha, shara Aqmola oblysy ákimdigi, QR Prezıdenti Іs Basqarmasynyń «Býrabaı damý» JShS, Sport jáne mádenıet basqarmasynyń jáne basqa seriktesterdiń qoldaýynyń arqasynda júzege asyryldy.

Salaýatty ómir saltyn nasıhattaý, týrızmdi damytý jáne ekologııalyq tujyrymdamaǵa nazar aýdarýǵa baǵyttalǵan PikeMan áýesqoı júzý-chellendji sportshylar men demalýshylar úshin dástúrli jazǵy jarysy. Óńirde buqaralyq sporttyń bul túrine qyzyǵýshylyq tanytqan adamdar sany artyp keledi.

Júzý chellendjine qatysýshylar men kórermender alǵan áserimen bólisti.

«Jarys óte qyzyqty ári kóńildi boldy. Qatysqanyma qýanyshtymyn, keler joly mindetti túrde daıyndalyp kelemin», - deıdi sharanyń eń jas qatysýshy 15 jastaǵy Semen Kýlıas.

Aıta ketsek, keshe Býrabaıda kedergilermen júgirýshiler arasynda «Aqbura bay trail-3» jazǵy treıl jarysy ótti. Halyqaralyq jarysqa Qazaqstan, Reseı, AQSh, Kanada, Ulybrıtanııa, Frantsııa, Ispanııa, Ońtústik Koreıa, Ózbekstan, Qyrǵyzstan elderden barlyǵy 700-den astam sportshy qatysyp, úsh jas sanat boıynsha myqtylar anyqtaldy.

Erejege saı qatysýshylar teńiz deńgeıinen 500 metr bıiktikke kóterilip, Býrabaı aǵashtary men taýlarynda túrli kedergilerdi eńserdi.

Keıin jeńimpazdar anyqtaldy.