Býrabaıda muzda júgirýden halyqaralyq jarys ótti

BÝRABAI. QazAqparat – Búgin «Býrabaı» ulttyq parkinde qalyń muz qatqan kól aıdynynda júgirýden otandyq jáne sheteldik əýesqoı sportshylardyń ekstremaldy jarysy ótti. Bul týraly QazAqparat Prezıdent Іs Basqarmasynyń baspasóz qyzmetine silteme jasap habarlaıdy.

Jumbaqtastyń janyndaǵy halyqaralyq jarysta AQSh, Reseı, Chehııa, Polsha, Aýǵanstan elderinen jáne Qazaqstannyń kóptegen oblystarynan kelgen 300-den astam sportshy baq synady. Qatysýshylar birneshe qashyqtyqta jarys jolyna shyqty.

Sonymen, 7 shaqyrym qashyqtyqta almatylyq sportshy Tımýr Artıýhın jeńimpaz atansa, 14 shaqyrymǵa júgirýde astanalyq Vladımır Ekert máre syzyǵyn birinshi bolyp kesti. 21 shaqyrymǵa júgirýde taǵy bir elordalyq sportshy ıÝrıı Shvetstiń baǵy jandy. 7 shaqyrymdy skandınavııalyq júrispen ótken kókshetaýlyq Qazbek Elýbaev ózge qatysýshylardan oq boıy ozyp keldi.

Buǵan deıin elimizde tuńǵysh ret «BURABAY ICE 2023» muzda júgirýden halyqaralyq jarys ótetini habarlanǵan bolatyn. Sport sharasyn QR Prezıdentiniń Іs Basqarmasyna qarasty «Býrabaı-Damý» JShS, «Ekstremaldy Atletıka» qoǵamdyq birlestigi jáne «Rebel Running» JK birlesip uıymdastyrdy.

«Kól muzaıdynynda buqaralyq sport jarysyn ótkizý elimizde buryn-sońdy bolyp kórgen emes. Tabıǵaty ásem Býrabaı óńirinde, Jumbaqtastyń janyndaǵy ekstremaldy saıys oıdaǵydaı ótti, jurtshylyqtyń qyzyǵýshylyǵy kúshti. «Býrabaı-Damý» seriktestiginiń maqsaty – osyndaı is-sharalar arqyly óńirdiń ásem tabıǵatyn nasıhattaı otyryp, týrısterdiń qyzyǵýshylyǵyn arttyrý, sondaı-aq salaýatty ómir saltyn nasıhattaý. Bizdiń kompanııanyń qurylǵanyna bıyl 8 jyl tolady, bıyl osyndaı is-sharalar kóbirek ótkiziledi», - dep atap ótti «Býrabaı damý» JShS marketıng bóliminiń basshysy Shyńǵys Orazalın.