Býrabaıda Kýrortologııa jáne medıtsınalyq ońaltý ǵylymı-zertteý ınstıtýty quryldy

ASTANA. QazAqparat - «Býrabaı» respýblıkalyq ońaltý ortalyǵynyń bazasynda Kýrortologııa jáne medıtsınalyq ońaltý ǵylymı-zertteý ınstıtýty quryldy, ol Qazaqstandaǵy kýrortologııany damytýdyń biryńǵaı ǵylymı-ádistemelik ortalyǵy bolady, dep habarlaıdy QR DSM baspasóz qyzmeti.

Qazaqstan Respýblıkasy Densaýlyq saqtaý mınıstrliginiń qurylǵan Kýrortologııa jáne medıtsınalyq ońaltý ǵylymı-zertteý ınstıtýty sanatorıılik-kýrorttyq salany damytý úshin tabıǵı emdik balshyqtardy, mıneraldy sýlardy, óńirlerdiń klımattyq erekshelikterin ǵylymı, saraptamalyq jáne keshendi zertteýler júrgizetin bolady.

ǴZI-dyń bazasyndaǵy biryńǵaı ádistemelik ortalyq osy saladaǵy biryńǵaı standarttardy ázirleýdi óz moınyna alady, profılaktıkalyq jáne qalpyna keltirý medıtsınasyndaǵy jańa tehnologııalardyń jolserigi, quqyqtyq jáne ǵylymı-uıymdastyrý jumystarynyń kýratory bolady, sondaı-aq kadrlyq, materıaldyq-tehnıkalyq, konsýltatsııalyq-ádistemelik sıpattaǵy máselelerdi sheshýge yqpal etedi.

Densaýlyq saqtaý mınıstrligi sanatorıılik-kýrorttyq emdeý halyqty saýyqtyrý isinde pármendi shara bolýǵa tıis ekenin atap ótti.

Foto: gov.kz