Býrabaıda eki bes qabatty úı mereke qarsańynda sýsyz qaldy

<p>ASTANA. KAZINFORM &mdash; Jergilikti bılik búgin túske deıin sý berýge ýáde berdi, dep habarlaıdy Kazinform <a href="https://www.inform.kz/ru/bez-vodi-naprazdnik-ostalis-dve-pyatietazhki-vposelke-burabay-766c64" target="_blank" rel="noopener">menshikti tilshisi.</a></p>

Býrabaı kýrorttyq aýylyndaǵy bes qabatty eki úı sýsyz qaldy. Jergilikti turǵyndardyń aıtýynsha, eki kúnnen beri páterlerine sý berilmegen. Jańa jylǵa deıin de birneshe ret sý kelmeı qalǵan. 30 jeltoqsanda da turǵyndar sýsyz qalǵan.

Úı turǵyndary narazylyqtaryn bildirdi.

Býrabaı aýdanynyń ákimi Araı Sadyqov turǵyn úıdegi káriz júıesi bitelip qalǵanyn túsindirip, túske deıin sý beriletinine ýáde berdi.

Dál osyndaı jaýapty «Jańa Turmys 2020» JShS de berdi.

— Birinshi qabattarda dárethanadan káriz júıesi kóterile bastaǵandyqtan, túnde sý sóndirildi. Úı ortalyq kanalızatsııaǵa jaqynda, byltyr jazda qosyldy. Adamdarda káriz júıesin paıdalaný mádenıeti joq. Ol jerden birneshe shúberek, tipti oramal shyǵardyq. Qazir bizdiń qyzmetkerler káriz júıesin tazalap jatyr, odan keıin sý qosylady. Túske deıin bárin jasaýǵa tyrysamyz, — dep túsindirdi vedomstvo.

Qazirgi ýaqytta ákimdiktiń málimetinshe, turǵyn úılerge sý tartylǵan.

Osyǵan deıin Jańa jylǵa bir kún qalǵanda sol Býrabaı aýdanynda Baıanbaı aýylynyń turǵyndary aýyz sýsyz qalǵan bolatyn.

Eske salsaq, buǵan deıin Býrabaı aýdanynda saıajaı órtengenin jazǵan edik.