Býrabaıda bıiktigi 42 metrlik sholý sheńberi ashylady
Onyń aıtýynsha, nysan qurylysy «Şýche-Býrabaı kýrorty aımaǵyn damytý» memlekettik baǵdarlamasy sheńberinde jeke ınvestorlardy tartý arqyly júzege asyrylýda. Sholý sheńberi men túrli qyzyqty attraktsıondar Býrabaı kýrorttyna demalýǵa keletin týrısterdiń kóńil kóterip, demalatyn súıikti ornyna aınalmaq.
«Bul - jalpy quny 347 mıllıon teńgeni quraıtyn ınvestıtsııalyq joba. Ony ınvestor «Koleso ýdachı» JShS júzege asyrýda. Nysan Býrabaı kentiniń ortalyǵyndaǵy «Býrabaı damý» JShS vızıt ortalyǵynyń aýmaǵynda ornalasady. Qazirgi kezde jer telimi anyqtalyp, sholý sheńberin montajdaý úshin alǵashqy qazyǵyn qaǵý jumystary júrip jatyr. Koronavırýs pandemııasy kedergi keltirmese, atalmysh nysandy ústimizdegi jyldyń shilde-tamyz aılarynda paıdalanýǵa berý josparlanǵan», - deıdi Azamat Baımuqanov.
Sonymen qatar, ol bıiktigi 42 metr sholý sheńberinen bólek, otbasylyq, balalar jáne ekstremaldy baǵyttaǵy attraktsıondardy ashý da josparda baryn aıtty. Bul Býrabaı turǵyndary men qonaqtaryna kýrorty aımaqtyń kórkin jyl boıy tamashalaýǵa múmkindik beredi. Attraktsıon táýlik boıy jumys isteıdi.
Aıta keteıik, osyǵan deıin habarlaǵanymyzdaı, «Şýche-Býrabaı kýrorty aımaǵyn damytý» memlekettik baǵdarlamasy sheńberinde 2025 jyldary óńirge keletin týrıster sanyn 1,6 mıllıonǵa jetkizý josparlanyp otyr.