Býrabaıda aǵash butaqtarynan 15 myńdaı shúberek sheshildi
«Býrabaı» MUTP Býrabaı ormanshylyǵynyń ınspektorlyq quramy Saken Seıfýllın atyndaǵy jalpy bilim beretin mekteptiń joǵary synyp oqýshylarymen birlesip ulttyq parktiń aýmaǵynda «Tynysta, tal-shybyq!» aktsııasyn ótkizdi.
Kúni boıy olar «Aıýtas» jartasynyń mańyndaǵy qaraǵaı men qaıyń butaqtaryn týrıster taqqan plastık paketterden, matadan, tsellıýlozadan jáne basqa materıaldardan tazalady. Barlyǵy 15 000-nan astam baılaý sheshilip alyndy.
«Іs-sharanyń maqsaty jasyl jelekti qorǵaý. Adamdardyń yrymdap taqqan baılaýlary ósimdikterdiń erkin ósýine kedergi keltiredi. Ár túrli materıaldardan jasalǵan zattar aǵashtardyń ósýi men damýyn qıyndatady, jaryq pen kómirtegin qabyldaýyna jol bermeıdi. Aǵash butaǵyndaǵy materıaldar ylǵaldy sińirip alady, butaqtardy zaqymdaıdy. Sonymen qatar, plastıkten baılaýlar óte baıaý ydyra dy, ekojúıe úshin uzaq merzimdi problema týǵyzady", - dep túsindirdi orman sheberi Aıbek Aqjúnis.
Aktsııa qatysýshysy, 10 synyp oqýshysy Radmır Alǵazın de óz áserlerimen bólisti.
"Biz tek bir qaraǵaıdan jarty qapqa jýyq baılaýlardy alyp tastadyq. Meniń bul problemanyń aıtarlyqtaı ózekti ekenine tańǵaldym! Barshany ormanda tazalyq saqtaýǵa jáne tabıǵatty qorǵaýǵa shaqyramyn. Ótinemin, butaqqa eshteńe aılamańyzdar! Bizdiń bolashaǵymyz qorshaǵan ortaǵa degen kózqarasymyzǵa baılanysty ekenin bárimiz túsinýimiz kerek", - deıdi ol.
«Tynysta, tal-shybyq!» aktsııasy jyl saıyn ótetinin aıta keteıik. Bul is-shara aǵashtardyń butaǵy men túbin qoqystardan tazartýǵa kómektesip qana qoımaıdy, sonymen qatar jastardyń nazaryn ulttyq parkte tabıǵatty saqtaý ádebine de nazar aýdarady.