Býrabaıda 940 metr bıiktikten qulaǵan adam jansaqtaý bóliminde jatyr

KÓKShETAÝ. QazAqparat - Býrabaıda jartastan qulaǵan 24 jastaǵy Astana qalasynyń turǵyny jansaqtaý bóliminde jatyr, dep habarlaıdy QazAqparat tilshisi.

Jartastan qulap, zardap shekken azamat Býrabaı aýdandyq aýrýhanasynyń jansaqtaý bóliminde jatyr.

Dárigerlerdiń aıtýynsha, naýqastyń jaǵdaıy asa aýyr dep baǵalanýda. Er adamǵa túnde ota jasaldy. Zardap shekken azamattyń  bas súıegi jaraqattanyp, jilinshik súıekteri synǵan. Dárigerler onyń aldaǵy jaǵdaıy týraly basqa aqparat aıtýdan bas tartty.

Aqmola oblysynyń Tótenshe jaǵdaılar departamentinde málim etkendeı, Astana qalasynyń 24 jastaǵy turǵynynyń óz sózinen belgili bolǵandaı, er adam 940 metr bıiktikte selfı jasap júrip, aıaǵy taıyp, jartastan qulaǵan.

Eske sala keteıik, keshe  Býrabaıdaǵy Abylaı han alańy mańyńda er adamnyń jartastan qulap ketkendigi týraly habarlaǵan bolatynbyz.