Býrabaıda 6 adam sýdan qutqaryldy

KÓKShETAÝ. QazAqparat - Aqmola oblysynyń Býrabaı aýdanynda bir táýliktiń ishinde eki birdeı sýdan qutqarý sharasy uıymdastyryldy, dep habarlaıdy QazAqparat tilshisi QR ІІM TJK resmı ókili Nursultan Nurahmetovke silteme jasap.

Vedomstvonyń málimetinshe, kezekti reıd kezinde Býrabaı kentindegi qutqarý bólimshesiniń qyzmetkerleri Býrabaı kólinde katamaranǵa otyrǵan 4 eresek pen 1 balany qatty tolqyn jaǵalaýdan alyp ketkenin baıqap qalǵan.

«Ekpindi jel men nóser jańbyr saldarynan tolqyn kóterildi. Tabıǵattyń qatal minezine qaramastan qutqarýshylar adamdardy qutqaryp, jaǵaǵa alyp shyqty. Keıin olarǵa sýǵa túsken kezde qaýipsizdik erejelerin esten shyǵarmaý týraly keńes berildi», - deıdi vedomstvonyń baspasóz qyzmeti.

Sonymen qatar, Býrabaı kólinde mas kúıinde sýǵa shomylǵan kelinshek qutqaryldy.

Osy rette, aıta ketý kerek, TJK azamattarǵa qaraýsyz qalǵan jáne tehnıkalyq jaǵynan isten shyqqan katamaranmen jáne qaıyqtarmen sýda júzýge bolmaıtynyn eskertedi. Sonymen qatar, 14 jasqa tolmaǵan balalarǵa ata-ananyń baqylaýynsyz júzý quraldaryn paıdalanýǵa ruqsat etilmeıtin aıtýda.