«Býrabaı» ulttyq parki men Marqakól qoryǵy ıÝNESKO-nyń jahandyq jelisine qosyldy

PARIJ. QazAqparat – «Býrabaı» memlekettik ulttyq tabıǵı parki jáne Marqakól memlekettik tabıǵı qoryǵy ıÝNESKO-nyń bıosferalyq rezervattarynyń jahandyq jelisine qosyldy. Bul týraly QR Syrtqy ister mınıstrliginen málim etildi, dep habarlaıdy QazAqparat.

Aqparatqa sáıkes, 13-17 maýsym aralyǵynda Parıjde ótip jatqan «Adam jáne bıosfera» ıÝNESKO baǵdarlamasynyń Halyqaralyq úılestirý keńesiniń (MAB-HÚK) 34-shi sessııasy sheńberinde «Býrabaı» memlekettik ulttyq tabıǵı parkin (Aqmola oblysy) jáne Marqakól memlekettik tabıǵı qoryǵyn (Shyǵys Qazaqstan oblysy) ıÝNESKO-nyń bıosferalyq rezervattarynyń jahandyq jelisine qosý týraly sheshim qabyldandy.

Sessııa jumysyna Qazaqstan Respýblıkasynyń ıÝNESKO jáne ISESKO isteri jónindegi Ulttyq komıssııasy, Qazaqstan Respýblıkasynyń ıÝNESKO janyndaǵy Turaqty ókildiginiń dıplomattary, «Adam jáne bıosfera» jónindegi ulttyq komıtettiń tóraǵasy Roman ıAşenko jáne onyń orynbasary Vıktorııa Ilına qatysty.

Prezıdenttiń Іs basqarýshysy Aıbek Dádebaev bul mártebe qandaı artyqshylyqtar beretinin aıtyp ótti.

«Jańa mártebe qorshaǵan ortany qorǵaý máseleleri boıynsha halyqaralyq sheshimder qabyldaýǵa qatysýǵa, zertteý jáne qoldanbaly jumystardy damytýǵa, ekologııalyq oqý-aǵartý men mamandardy daıarlaýdyń negizin qalyptastyrýǵa múmkindik beredi», - dedi ol.

Aıta keteıik, búgingi tańda Qazaqstandaǵy ıÝNESKO bıosferalyq rezervattarynyń ulttyq jelisine 15 obekti engizilgen.

Al dúnıejúzilik bıosferalyq rezervattar jelisine álemniń 131 eliniń aýmaǵynda ornalasqan 738 bıosferalyq rezervat kiredi.