«Býrabaı» ulttyq parkiniń orman alqaby 2600 gektarǵa ulǵaıdy

<p>KÓKShETAÝ. KAZINFORM - Sońǵy 5 jyl ishinde &laquo;Býrabaı&raquo; ulttyq parkindegi orman alqaby 3,3 paıyzǵa ulǵaıyp, 79 546-dan 82 137 gektarǵa jetti. ıAǵnı, memlekettik orman ınspektorlarynyń qyzmetiniń arqasynda jasyl jelek jamylǵan jerdiń aýmaǵy 2591 gektarǵa keńeıip otyr.</p>

«Býrabaı» ulttyq parki baspasóz qyzmetiniń málimetinshe, aǵash otyrǵyzý jumystary 2024 jyly da jalǵasyn tapty. Bul Býrabaı ormandarynyń ormandaryn qalpyna keltirýdiń uzaq merzimdi josparlaryn júzege asyrýdaǵy mańyzdy qadam boldy. Bıyl Aqylbaı, Býrabaı, Zolotobor, Jalaıyr, Mırnoe jáne Prıozernoe ormanshylyqtarynda qyzý jumys júrip, jalpy aýdany 104,9 ga jerge 839,2 myń qaraǵaı kósheti egildi.

Foto: «Býrabaı» ulttyq parki

«Ormandy qalpyna keltirý - aǵash egýden ǵana turmaıdy. Budan bólek, óskinge muqııat kútim jasaý. Bıyl biz 333,9 gektar alqaptaǵy kóshetterdiń túbin eki márte qolmen aramshópterden arylttyq. Názik óskinniń solyp qalmaı, boı jazyp ósip ketýine jaǵdaı jasaýǵa tyrysamyz, kúzge deıin kútip-baptaımyz», - dedi ormandy qalpyna keltirý ınjeneri Álııa Ábdirahmanova.

Foto: «Býrabaı» ulttyq parki

Aıtýynsha, qolaısyz aýa raıyna baılanysty faktorlar jas ormannyń ósýin qıyndatqanymen, Ulttyq park jyl saıyn soǵan qaramastan orman aýmaǵyn ulǵaıdy kózdeıdi.

Foto: «Býrabaı» ulttyq parki

«Orman órtteri, aptap ystyq, adamdardyń ekologııaǵa qaıshy áreketteri kóshetterdiń ósýine jáne ormannyń tabıǵı jańarýyna teris áser etedi. Degenmen, Ulttyq park ujymy qıyndyqtardy jeńip keledi. Sońǵy 5 jyl ishinde biz ár jyl saıyn 65 gektardan astam aýmaqqa kemi jarty mıllıonnan kóshet egip júrmiz. «Býrabaı» MUTP qyzmeti bastalǵannan beri jalpy aýdany 1400 gektarǵa jýyq qaraǵaı men qaıyńnyń 10 mıllıonnan astam kósheti egildi», - dedi orman ınjeneri.

Aıta ketsek, budan buryn «Býrabaı» ulttyq parkinde janýarlarǵa qajetti qysqa jem-shóp qory jasalyp jatqandyǵyn jazǵan edik.