«Býrabaı» ulttyq parkiniń aýmaǵyndaǵy kólderde sýdyń deńgeıi kóterildi
«Býrabaı» MUTP aǵa ǵylymı qyzmetkeri, aýyl sharýashylyǵy ǵylymdarynyń kandıdaty Evgenıı Arhıpovtyń aıtýynsha, 2023 jyly Şýche-Býrabaı kýrorttyq aımaǵyndaǵy kólderde sý deńgeıiniń tómendeýiniń bes jyldyq tsıkli aıaqtalǵan jáne 2024 jyly jer asty sýlarynyń kóterilýi bastalǵan.
«2024 jyly biz sý deńgeıiniń aıtarlyqtaı kóterilgenin baıqadyq. Qazirdiń ózinde Býrabaı kólindegi sý deńgeıi 80 sm-ge kóterilip, Kúrkildeýik ózeni arqyly Úlken Shabaqty kóline sý quıyldy», - deıdi Evgenıı Arhıpov.
Aıtýynsha, memlekettik qyzmetter júrgizgen kópjyldyq rejımdik baqylaýlar sý deńgeıiniń ózgerýiniń tsıkldik sıpatyn kórsetetinin, 5-6 jyl, 12-13 jyl, 24-25 jyl, 49-50 jyl jáne 100 jyl tsıkldary bar. 2019 jyldan bastap Ulttyq park ǵalymdary buǵan qosymsha derbes gıdrologııalyq monıtorıng júrgizip keledi.
«Býrabaı» MUTP baspasóz qyzmetinen atap ótkendeı, ulttyq park sý qoımalary júıesinde 14 iri jáne orta kólder ornalasqan. Negizinen kólder jer asty sýlarymen qorektenedi, sonymen birge jaýyn-shashyn da mańyzdy ról atqarady.
Aıta ketsek, budan buryn «Býrabaı» ulttyq parkindegi kólderden 26 tonnadan astam qoqys jınalǵanyn jazǵan edik.