«Býrabaı» ulttyq parkindegi ań-qustardyń qysqy azyǵy jetkilikti me

<p>KÓKShETAÝ. KAZINFORM - &laquo;Býrabaı&raquo; ulttyq parkiniń qyzmetkerleri ań-qustardyń qysqy jem-shóbin daıyndap jatyr.</p>

«Býrabaı» MUTP baspasóz qyzmetiniń málimetinshe, qazirdiń ózinde 147 myń býma qaıyńnyń japyraǵy daıyndaldy. Byltyr barlyǵy 135 myń býma daıyndalǵan edi. 

Jospar boıynsha orylýǵa tıis 451 tonna shóptiń biraz bóligi orylyp, shómelege úıildi. Shóp orý naýqany áli jalǵasady. Budan bólek, 20 tonna jemdik tuz satyp alyndy. 

Foto: «Býrabaı» MUTP

Ulttyq park qyzmetkerleri ormandaǵy alańqaılarda ornatylǵan 40 naýany jóndep, taǵy jańadan on besin ornatty. Ol naýalarǵa qysqy kezeńde japyraq býmasy baılanyp, tuz jáne shóp salynady. 

Foto: «Býrabaı» MUTP

«Býrabaı» ulttyq parki janýarlar dúnıesin qorǵaý jáne ósimin molaıtý bóliminiń bastyǵy ıÝrıı Zelınskıı atap ótkendeı, óńirde qys qatal bolady, Sol sebepti, aldyn ala qamdanyp, ań-qustarǵa qamqorlyq jasamasa, kóktemge qınalyp shyǵýy múmkin. 

«Qys boıy orman ınspektorlary men qoryqshylar naýalardy tekserip, jem-shóp bitip qalmaýyn baqylap otyrady. Bıyl qaıyń japyraqtarynan býma jasaýdan qalǵan qaldyqtaryn jınap, qabandarǵa 15 pana jasadyq. Qatty aıaz-borandarda janýarlar osy jerge kelip, yqtaıdy», - deıdi ıÝrıı Zelınskıı.

Foto: «Býrabaı» MUTP

Aıta ketsek, budan buryn «Býrabaı» ulttyq parkinde jabaıy janýarlardyń sany edáýir óskenin jazǵan edik.