«Býrabaı» ulttyq parkinde jabaıy janýarlardyń sany edáýir ósti
«Býrabaı» MUTP baspasóz qyzmetiniń málimetinshe, sońǵy 5 jylda bulandardyń sany 2,5 esege ósip, 122 basqa jetse, sileýsin popýlıatsııasy 4 ese ulǵaıyp, 48 basty qurady. Sonymen birge, buǵylar 108-ge, elik 25-ke, túlki 14-ke kóbeıdi. Bul ulttyq parktiń ǵylymı mamandary jarııalaǵan negizgi jabaıy ańdar sanaǵynyń nátıjeleri.
«Sońǵy jyldardaǵy qystyń qataldyǵyna qaramastan ulttyq park aýmaǵynda jabaıy janýarlardyń aıtarlyqtaı kóbeıgeni baıqalady. Bul ulttyq park ujymy úshin qýanyshty jaıt. Durys baǵytta jumys atqaryp, tabıǵı resýrstardy saýatty basqaryp, bıotehnıkalyq sharalardy sapaly júzege asyryp jatqanymyzdy kórsetedi. Osynsha kúsh-jigerdiń arqasynda eń qıyn klımattyq kezeńderde de janýarlar popýlıatsııasyn saqtaýǵa bolady», - dedi «Býrabaı» MUTP janýarlar álemin qorǵaý jáne ósimin molaıtý bóliminiń basshysy ıÝrıı Zelınskıı.
Ulttyq park ınspektorlary janýarlar álemin qorǵaý jáne ósimin molaıtý bóliminiń mamandarymen birlesip, janýarlardyń izin muqııat zertteı otyryp, jınalǵan derekterge turaqty monıtorıng, sanaq jáne taldaý júrgizedi. Sondaı-aq, fototuzaqtar arqyly erekshe qorǵalatyn tabıǵı aýmaqtarda vızýaldy baqylaý jasaıdy. Bul olarǵa ań-qustar popýlıatsııasyn baqylap, bıotehnıkalyq jumystardy josparlaý úshin qajet.
«Janýarlardyń kóbeıgeni – barsha áriptesterimizdiń kúndelikti jumysynyń nátıjesi. Biz úshin tabıǵı murany saqtap qana qoımaı, ony bolashaq urpaq ıgiligi úshin damytý da mańyzdy»,- dep atap ótti ıÝ.Zelınskıı.
Bıotehnıkalyq is-sharalar jabaıy tabıǵat popýlıatsııasyn saqtaýda sheshýshi ról atqarady. Ulttyq park ınspektorlary azyqtandyrý alańdaryndaǵy naýalardy jyl saıyn jóndep, jańartyp otyrady. Bulandar, buǵylar men elikterge jem salatyn, yq bolatyn qalqa jasaıdy, aǵash butalarynan býma ázirleıdi, pishen orady jáne basqa da jem-shóp túrlerin ázirleıdi. Bul jumys janýarlardyń qatal qys mezgilindegi tynys-tirshiligin edáýir jeńildetedi.
Aıta ketsek, budan buryn «Býrabaı» ulttyq parkinde jabaıy janýarlardyń 15-ten astam túri mekendeıdi.