«Býrabaı» ulttyq parkinde jabaıy janýarlardyń 15-ten astam túri mekendeıdi
Shırek ǵasyrǵa jýyq ýaqyt ishinde Ulttyq park óńirdiń ásem tabıǵatyn saqtaý men qalpyna keltirýde aýyz toltyryp aıtarlyqtaı nátıjege qol jetkizdi. Ulttyq park aýmaǵy 83 510 gektardan 55%-ǵa ulǵaıyp, qazirgi tańda 129 484,88 gektarǵa jetti.
Sonyń arqasynda 15-ten astam jabaıy janýar túrleri mekendeıtin biregeı ekojúıesi bar ólke qanat jaıyp, ańdardyń sany 5 eseden artyq kóbeıdi. Aıtalyq, askanııa buǵysy, sibir eligi, qaban jáne basqa da sútqorektilerdiń 15-ten astam túri eselep artty. Bul ań-qustardyń tirshiligi men kóbeıýine qolaıly jaǵdaı jasalǵanyn kórsetedi.
Ulttyq park ujymy jumysynyń taǵy bir mańyzdy kórsetkishi: 24 jylda jalpy aýdany 1400 gektar jerge 10 mıllıonnan astam qaraǵaı men qaıyń kósheti egildi. Qalpyna keltirý jumystarynyń arqasynda orman alqaby 6,2%-ǵa ulǵaıdy.
Ásem tabıǵat pen onyń bıoalýandyǵyn saqtaý úshin 2020 jyly Ulttyq parkte órtti erte anyqtaıtyn «Smart Burabayc» júıeci iske qosyldy. Elimizde alǵash ret qolǵa alynǵan «aqyldy» ınnovatsııalyq tehnologııa tilsiz jaýǵa toıtarys berý jedeldigin edáýir arttyrdy. Sóıtip, órt shalǵan jerdiń kólemin ondaǵan ese azaıtýǵa múmkindik týdy.
Al 2015 jyly «Býrabaı» ulttyq tabıǵı parki Qazaqstandaǵy Ulttyq parkter arasynda úzdik dep tanyldy. Osylaısha, irgeli ujymnyń tabıǵatty qorǵaý jáne ekotýrızmdi damytý salasyndaǵy jumysy men jetistikteri laıyqty baǵasyn aldy.
2022 jyly «Býrabaı» MUTP ıÝNESKO qamqorlyǵyna alynǵan bıosferalyq rezervattar jelisine qosyldy. Bul mártebe saıabaqtyń biregeıligin jáne onyń jahandyq qorǵaýǵa alynǵan tabıǵı aýmaqtar ishinde erekshe mańyzǵa ıe ekendigin kórsetedi. ıÝNESKO deńgeıinde tanylý tabıǵatty qorǵaý jáne turaqty damý salasyndaǵy halyqaralyq yntymaqtastyq pen tájirıbe almasý kókjıegin keńeıte tústi.
«Býrabaı» MUTP-nyń 25 jylda atqarǵan qyzmeti – bolashaq urpaqtyń ıgiligi úshin ásem tabıǵatqa qamqorlyq jasaýdyń, ekotýrzmdi damytýdyń, jan-janýarlar men ósimdikter álemin saqtaýǵa degen umtylystyń jarqyn úlgisi. Ulttyq park ujymynyń osynaý ataýly kúnde ózine jáne barsha qazaqstandyqtarǵa jasaǵan eń úlken syıy osy ekeni sózsiz.