«Býrabaı» MUTP ǵylymı qyzmetkeri ormanda fototuzaq qoıýdyń mańyzyn túsindirdi
– Fototuzaq arqyly jergilikti ań-qustardyń sanyn, ósimin, qaı jerlerde jıi kezdesetinin, jalpy tynys-tirshiligin zertteımiz. Ózderińiz kórip turǵandaı, aǵash dińine 1 metr bıikke bekitemiz, sonda bulan, maral sııaqty iri ańdar ǵana emes, sileýsin, sýsar sııaqty shaǵyn ańdar da kadrǵa ilinedi, – deıdi ǵalym.
Onyń aıtýynsha, fototuzaqqa keıde tabıǵat erejesin buzǵan adamdar da túsip qalady eken.
Baspasóz sapary aıasynda BAQ ókilderi QR Prezıdenti Іs basqarmasyna qarasty «Býrabaı-Damý» JShS uıymdastyrýymen ótip jatqan dástúrli «Býrabaı tuqy-2023» týrnırin tamashalady.
Balyqshylar jarysynda Qazaqstannyń túkpir-túkpirinen kelgen komandalar Qotyrkól kólinen tuqy balyǵyn aýlap jarysyp jatyr.
BAQ ókilderi «Býrabaı» memlekettik ulttyq tabıǵı parkiniń qurylymdyq bólimi sanalatyn Maral sharýashylyǵyna da bardy. Sharýashylyqta 200 basqa jýyq ásem janýar bar. Barlyq buǵy-maraldarǵa únemi veterınarlyq baqylaý jasalady. Pantoterapııa ortalyǵyna qajetti emdik ónim alynady.