Býrabaı kýrortynda baǵanyń asa qymbat bolmaýy qadaǵalanady
«Jaqyn arada Memleket basshysynyń tapsyrmasymen Úkimet 61 mıllıard teńge bóldi. Ol jerde ınjenerlik ınfraqurylym salynatyn bolady. 233 gektarlyq Úlken Shabaqta - ınjenerlik ınfraqurylym salynady dep sheshtik. Sodan keıin ǵana onda otelder men týrıstik bıznestiń ózge de nysandary boı kóteredi. Býrabaı kentiniń ishinde qazirdiń ózinde 14 gektarlyq aýmaqty qaıta salýdy kózdep otyrmyz. Aldymyzǵa álemdik deńgeıdegi kýrortty salý mindeti qoıyldy. 14 gektarlyq aýmaqta qurylys bastalyp, ol jerde kólge tike shyǵatyn alleıalar salynyp jatyr. Shaǵyn otelder men meıramhanalar, restorandar turǵyzylady. Sonymen birge, biz álbette sapaly servıs jaǵyn da, baǵanyń asa qymbat bolmaýyn qadaǵalalap otyrmyz», - dedi Málik Myrzalın.
Óńir basshysy sonymen qatar, ıÝNESKO geoparkiniń máselesi de óte ózekti ekenin atap ótti. Osy jyldyń 1 qarashasynan bastap ol boıynsha ótinim berilmek. Geoparktiń mártebesi álemdegi barlyq anyqtamalarda kórsetiletin bolady. Sebebi, álemdegi kóptegen adamdar geoparkke erekshe yntyq. Kelesi jyldyń sońyna deıin atalmysh joba aıaqtalatyn bolady.