Býrabaı kýrortynda qysqy maýsym jabyldy
Týrısterdi ásem tabıǵaty, saf aýasymen tartymdy Býrabaıdyń qysqy demalys oryndary qarsy alyp, demalystaryn qyzyqty ótkize múmkindik jasady.
Týrızm jáne marketıng bóliminiń bastyǵy Shyńǵys Orazalınniń aıtýynsha, týrıster úshin Býrabaı jyldyń barlyq maýsymynda qyzmet kórsetetin kýrort. Munda jyldyń kez-kelgen ýaqytynda kelip, demalysty qyzyqty ári tartymdy ótkizýge bolady. Jyl boıy kýrortta tabıǵat murajaıy, haıýanattar baǵy, mýltımedııalyq ınteraktıvti keshen, maral sharýashylyǵy, Qazaqstan Laplandııasy tárizdi týrıstik nysandar úzilisiz jumys isteıdi. Olardy QR Prezıdentiniń Іs basqarmasynyń janyndaǵy «Býrabaı damý» JShS basqarady.
«Bıylǵy maýsymda «Býrabaı damý» JShS nysandaryn 25 myń adam qonyp ketti. Sonymen qatar, qysta taý shańǵysy bazalary jumys istedi, olar týrıster úshin tanymal demalys túri bolyp tabylady», - deıdi Shyńǵys Orazalın.
Aıta ketsek, budan buryn Býrabaıdaǵy týrıstik nysandar jazǵy maýsymǵa daıyndalyp jatqandyǵyn jazǵan edik.