Býrabaı kýrortynan 9 aıda 1000 tekshe metrge jýyq qoqys shyǵaryldy

<p><strong>KÓKShETAÝ. KAZINFORM &ndash; 2024 jyldyń basynan beri 9 aıda Býrabaı kýrortyndaǵy Abylaı han alańy, Vızıt ortalyǵy, sondaı-aq jaıaý júrginshiler men velosıped joldary sııaqty eń tanymal týrıstik jerlerden 1 000 tekshe metrge jýyq qoqys shyǵaryldy.&nbsp;</strong></p>

Býrabaı kýrortyndaǵy týrıstik nysandardyń tazalyǵy men abattandyrylýyna atsalysyp, jyl basynan beri 10 ekologııalyq aktsııa ótkizdi. Abattandyrý jumystary aıasynda jalpy uzyndyǵy 960 metr aǵash kópirler jóndelip, uzyndyǵy 1 456 metr metall qorshaýlar syrlandy. Sondaı-aq velosıped pen jaıaý júrginshiler joldarynyń boıyndaǵy 328 jaryq baǵandary jóndeldi. Kúrkireme ózenindegi (Gromovaıa) jáne ortalyqtaǵy jaıaý júrginshiler kópiri montajdalǵanyn aıta keteıik. 

Foto: «Býrabaı Damý» baspasóz qyzmeti

Abattandyrý jumystary respýblıkalyq «Taza Qazaqstan» ekoaktsııasy aıasynda jalǵasyn taýyp otyr. Budan bólek, jaqyn aımaqtardy tazartý jumystary turaqty túrde júrgizilip keledi. 

Vızıt ortalyq pen Abylaı han alańy týrıster arasynda eń tanymal oryndar. Rekonstrýktsııadan ótken mýltımedııalyq ınteraktıvti keshen kún saıyn 500-ge deıin kelýshilerdi qabyldaýǵa daıyn. Jyl basynan beri kompanııa basqaratyn týrıstik nysandarǵa shamamen 73 000 adam keldi. 

Foto: «Býrabaı Damý» baspasóz qyzmeti

Eske salsaq, buǵan deıin Kókshetaýdaǵy «Kókshetaý jylý» kommýnaldyq kásipornynda eki aılyq qor, ıaǵnı 40,7 myń tonna kómir bar ekenin jazǵan edik.