«BURABAY ICE 2024»: álemdik deńgeıdegi júgirýshiler Býrabaıda bas qosty

<p>KÓKShETAÝ. KAZINFORM - &laquo;Býrabaı&raquo; memlekettik ulttyq tabıǵı parki aýmaǵynda muzda júgirýden &laquo;BURABAY ICE 2024&raquo; halyqaralyq týrnıri ótti.</p>

QR Prezıdenti Іs basqarmasy janyndaǵy «Býrabaı-Damý» JShS men «Ekstremaldy Atletıka» qoǵamdyq birlestigi birlesip uıymdastyrǵan jarysqa AQSh, Reseı, Ulybrıtanııa, Frantsııa, Italııa, Ózbekstan, Úndistan, sondaı-aq Qazqastannyń barlyq oblystarynan kelgen sportshylar qatysty. Jarys 7 km, 14 km jáne 21,1 km júgirý nemese 7 km qashyqtyqqa skandınavııalyq júris saıystarynan turdy.

Foto: «Býrabaı» MUTP baspasóz qyzmetinen

Bıyl týrnırge ýltra qashyqtyqtaǵy Úndistan chempıony Sandıp Kýmar qatysty. Ol jarystyń óte joǵary deńgeıde uıymdastyrylǵanyn atap ótti. 

«Bul týrnır áýesqoı júgirýshiler úshin óz kúshterin synaýǵa tamasha múmkindik. Biz bul jarysty qoldadyq. Óıtkeni «BURABAY ICE 2024» halyqaralyq týrnıri buqaralyq sportty damytýǵa jáne salamatty ómir saltyn qalyptastyrýǵa zor múmkindik beredi», - dedi Aqmola oblysynyń ákimi Marat Ahmetjanov.

Jarys qorytyndysy boıynsha absolıýtte birinshi oryndy Maks Sanın ıelendi. Ol 21 km qashyqtyqty 1 saǵat 33 mınýtta júgirip ótti. Al 14 shaqyrymda astanalyq Ekert Vladımır, 7 shaqyrymda pavlodarlyq qatysýshy Arman Tursynov jeńimpaz atandy. 7 km qashyqtyqta skandınavııalyq júriste shymkenttik Erjigit Jumadilov birinshi keldi. 

Foto: «Býrabaı» MUTP baspasóz qyzmetinen

Áıelder arasynda absolıýtte birinshi oryndy 21 km qashyqtyqta Polına Saýtıeva ıelendi. Al, 14 shaqyrymda Túmen qalasynan kelgen reseılik Ekert Natalıa, 7 shaqyrymda Temirtaý turǵyny Metlıtskaıa Izabella jeńimpaz atandy. 7 km qashyqtyqta skandınavııalyq serýendeýde Almatydan kelgen Aıjan Musaqanova birinshi bolyp márege jetti.

Aıta ketsek, budan buryn Býrabaı kólderinde aeratsııa jumystary júrgizilip jatqanyn jazǵan edik.