Býrabaı eldiń jetekshi týrıstik klasteri retinde qalaı damıdy

<p>BÝRABAI. KAZINFORM &mdash; Búgin Býrabaı aýdanynda ótken keńeste Şýche-Býrabaı kýrort ıaımaǵyn damytýdyń ózekti máseleleri qaraldy.</p>

Іs-sharaǵa oblys ákimi Marat Ahmetjanov, QR Prezıdenti Іs basqarmasynyń ókili, Bas prokýrordyń orynbasary jáne múddeli vedomstvolar — týrızm jáne sport, kólik, ekologııa jáne tabıǵı resýrstar, tsıfrlyq damý, ınnovatsııalar jáne aeroǵarysh ónerkásibi mınıstrlikteriniń ókilderi qatysty.

Onda basty nazar — ınjenerlik-qurylys jobalaryn aıaqtaý jáne kýrorttyq aımaqty damytýdyń keshendi josparyn ázirleý máselesine aýdaryldy.

Jıyndy ashqan oblys ákimi Memleket basshysy aıtqan tapsyrmalardy oryndaýdyń mańyzyn atap ótti.

Jıyn barysynda ŞBKA damýynyń jańa kórinisi usynyldy.

Prezıdenttiń Іs basqarýshysynyń orynbasary Rýstam Baıalıev ŞBKA-ny damytý boıynsha memlekettik organdardyń ózara is-qımyly týraly aıtty.

Foto: Aqmola oblysynyń ákimdigi

Şýche-Býrabaı kýrort aımaǵyn damytý jáne tanymal etý perspektıvalary týraly QR Týrızm jáne sport vıtse-mınıstri Erjan Erkinbaev aıtyp berdi.

Ol sondaı-aq aımaqtyń týrıstik ındýstrııasyndaǵy aǵymdaǵy jáne josparlanǵan is-sharalar týraly esep berdi.

Kólik vıtse-mınıstri Talǵat Lastaev kýrort aımaǵynyń kólik ınfraqurylymyn damytý aspektilerine egjeı-tegjeıli toqtaldy. 

Vedomstvonyń josparynda jolaýshylar marshrýtynyń sanyn eki ese, onyń ishinde áýe jáne temirjol tasymaldarynyń sanyn ulǵaıtý qarastyrylǵan.

Foto: Aqmola oblysynyń ákimdigi

Aqmola oblysynyń týrızm basqarmasynyń basshysy Andreı Podgýrskıı kýrorttyq aımaqty damytý josparynyń úsh kezeńi aıasynda júzege asyrylyp jatqan ınjenerlik ınfraqurylym jobalarynyń mártebesi týraly habarlady: Býrabaı kentinde ınfraqurylymdyq jelilerdi júrgizý, sý qubyrlary men jylý jelilerin jańǵyrtý jaǵdaıyn keńinen baıandap berdi .

Spıkerler sondaı-aq kýrorttyq aımaqtyń kólik ınfraqurylymyn damytý jáne tsıfrlyq tehnologııalardy engizý, týrızm salasynyń ınvestıtsııalyq áleýeti, ekologııalyq turaqtylyq jáne qoǵamdyq jaýapkershilik týraly talqylady.

«Bizge kýrort aımaǵyn damytýdyń jańa keshendi josparynyń negizin quraıtyn tujyrymdamalyq jańa tásil men naqty is-áreketter qajet. Býrabaı tek Qazaqstanda ǵana emes, basqa elderde de tanylatyn týrıstik brendke aınalýy tıis», — dep atap ótti M.Ahmetjanov.

Keńes sońynda Şýche-Býrabaı kýrort aımaǵynyń eldiń jetekshi týrıstik klasteri retindegi pozıtsııasyn odan ári nyǵaıtý úshin alǵa qoıylǵan jumys baǵyttary men júktelgen mindetterdi iske asyrýdyń naqty merzimi aıqyndaldy.