Býrabaı aýylynyń ákimine qatań sógis jarııalandy

<p>ASTANA. KAZINFORM &ndash; Býrabaı aýylynyń ákimi Sabyr Jalmuqanovqa Ádep kodeksin buzǵany úshin qatań sógis jarııalandy. Bul týraly Aqmola oblysynyń prokýratýrasy habarlady.</p>

«Býrabaı aýylynyń ákimi men JShS arasynda alańdy abattandyrý boıynsha memlekettik satyp alý týraly kelisim jasalǵany anyqtaldy. Kelisimsharttyq mindettemelerdi oryndaý barysynda ákim kásipkerden smetalyq qujattamada qarastyrylmaǵan qosymsha jumystardy oryndaýdy talap etken. Óz kezeginde kásipker tapsyrys berýshiden táýeldi jaǵdaıda bolǵandyqtan, bul jumystardyń bir bóligin oryndady», - delingen habarlamada.

Foto: Býrabaı aýdandyq ákimdigi

Ákim óz is-áreketimen kásipkerlik sýbektisine 400 myń teńge kóleminde materıaldyq shyǵyn keltirdi.

Býrabaı aýdan ákiminiń ókimimen Býrabaı aýylynyń ákimine «qatań sógis» túrindegi tártiptik jaza qoldanyldy.