Býrabaı aýdanynda jumyspen qamtý tıimdi júrgizilýde
Býrabaı aýdandyq eńbekpen qamtý ortalyǵy mamandarynyń málimeti boıynsha, aýdanda «Jumyspen qamtýdyń jol kartasy 2020 – 2021» baǵdarlamasy sátti júzege asyrylýda. Búginde ortalyq qajetti bilikti mamandardy iriktep, olardy jumys berýshilerge jiberedi. Baǵdarlamanyń japaǵatyn kórip, eki qolǵa bir kúrek tapqan jandardyń biri – Rústem Aıdanov.
34 jastaǵy jigit probatsııa qyzmeti bóliminde esepte turǵan. Atalmysh mekeme ony 2020 jyldyń 12 mamyrynda Býrabaı aýdandyq jumyspen qamtý bólimine jibergen. Ondaǵylar Rýstemdi «Jumyspen qamtýdyń jol kartasy 2020 – 2021» baǵdarlamasy arqyly «PSK Kókshetaý qurylys» JShS qurylysshy retinde ýaqytsha jumysqa ornalastyrypty.
Qazirgi kezde, atalmysh kompanııa Şýche qalasyndaǵy №6 orta mektepte kúrdeli jumystaryn júrgizýde.
«Qazirgi kezde men qurylys alańynda mektep ǵımaratynyń shtyryn jabýmen aınalysamyn. Bul men úshin úlken jaýapkershilik», - deıdi Rústem Aıdanov.